Lectura teatralizada do alumnado do IES Terra de Xallas
Esta mércores 14 de maio recibimos na biblioteca do noso centro ao alumnado da materia de Oratoria de Secundaria do IES Terra de Xallas, que levou a cabo unha lectura teatralizada especialmente preparada para o noso alumnado de Educación Infantil.
A actividade permitiu ao alumnado gozar dunha representación viva, creativa e divertida, na que o texto cobrou vida grazas á expresividade e ao entusiasmo das e dos participantes. A posta en escena tivo lugar entre libros, no espazo da nosa biblioteca, creando unha atmosfera inmersiva que fomentou o gusto pola lectura e pola expresión oral.
Agradecemos enormemente ao profesorado implicado e ao alumnado do IES Terra de Xallas esta iniciativa tan enriquecedora e inspiradora.