Polos Creativos - Impresora 3D Creality K1
A nosa aula de Polos Creativos conta cunha nova impresora 3D Creality K1, unha ferramenta de alta velocidade que nos permite deseñar e fabricar pezas tridimensionais de forma precisa e rápida. Grazas a ela, o alumnado pode ver materializadas as súas ideas, traballar en proxectos reais e desenvolver competencias relacionadas coa creatividade, a resolución de problemas e a tecnoloxía.
Seguiremos compartindo aquí os resultados e creacións que vaian xurdindo co seu uso.
Pero que é a impresión 3D? (Vídeo orixinal de: GCFAprendeLibre Titulado Qué es impresión en 3D y cómo funciona | Nuevas tecnologías) Traducido con IA.
Contido multimedia
Aprende a usar o TinkerCad para facer os teus deseños
Accede a Tinkercad
Como acceder a Tinkercad para comezar a deseñar en 3D
- Vai á páxina: Abre o navegador (por exemplo, Google Chrome) e escribe esta dirección ou preme na ligazón:
https://www.tinkercad.com/join - Verás varias opcións. Escolle a que che diga o teu profe:
- Se o profe che dá un código de clase, preme onde pon "Estudante únete á túa clase".
- Introduce o código da clase que che dará o profe e preme "Ir á clase".
- Logo escribe o teu nome ou alcume, se o profe che deu un.
- Se non hai código de clase, tamén podes crear unha conta coa axuda dunha persoa adulta:
- Preme en "Crear unha conta" e logo escolle "Estudante".
- Terás que poñer unha data de nacemento e pedir permiso a unha persoa adulta co seu correo electrónico.
Tinkercad é unha ferramenta para crear obxectos en 3D de maneira sinxela e divertida. Podes facer chaveiros, letras co teu nome, pezas para montar e moitas outras cousas que despois podemos imprimir coa impresora 3D do cole.