Os sons do Castelo
Imos colaborar co alumnado de Educación Infantil para transformar o seu castelo nun proxecto interactivo. Para iso, antes de nada, necesitamos entender algúns conceptos básicos sobre electricidade.
Un proxecto interciclo entre Educación Infantil e Educación Primaria.
De que trata esta actividade?
Imos transformar un mural nun castelo moi especial que pode falar! O alumnado de Educación Infantil gravou as súas voces explicando cousas dos castelos, e nós imos facer que cando toquemos o mural... os sons se escoiten!
Que aprenderemos?
- Como funcionan os circuítos eléctricos abertos e pechados.
- Que materiais permiten pasar a electricidade (condutores) e cales non (illantes).
- A usar a placa Makey Makey para facer que o mural fale.
- Conceptos TIC como minimizar, maximizar e uso de conexións USB.
- A programar en mBlock con bloques para crear sons.
- Traballar en equipo e aprender de forma divertida!
Outros datos:
- Número de participantes: 66 membros do alumnado de 6º de Educación Primaria.
- Persoa coordinadora: Bienvenido Suárez Suárez.