Protección de datos persoais, privacidade, identidade dixital e dereitos dixitais nos Polos creativos

Realizouse o curso S2401037 Formación específica para persoas coordinadoras de Polos Creativos. O primeiro módulo centrouse en:

• Protección de datos persoais
• Privacidade
• Identidade dixital
• Dereitos dixitais nos Polos Creativos

Este módulo foi impartido por Mónica S. L, Subdirectora Xeral de Coordinación Administrativa e Réxime Xurídico da SXT Consellería de Cultura, Educación, Formación Profesional e Universidades.

Recursos e información adicional

Durante a formación, proporcionáronnos os seguintes recursos oficiais sobre protección de datos:

• Portal de Protección de Datos da Xunta
• Orientacións para o uso de ferramentas dixitais e protección de datos (INTEF)

• Email da delegación de proteción de datos: dpd.educacioneciencia@xunta.gal

Temas debatidos

Na sesión tamén se tratou en profundidade:

• A xestión da imaxe do alumnado e as autorizacións necesarias para o seu uso.
• O período de tempo durante o cal foi necesario custodiar as probas e documentación relacionada.

Esta formación foi fundamental para garantir unha xestión responsable e segura dos datos no contexto dos Polos Creativos.

TOMAS C.R. Edición audiovisual e difusión de contidos con DDMM nos Polos creativos (10:00 - 13:00 h)

Contacto da persoa formadora: algarabia@galicia.com

Ferramentas de traballo: Móbil (gravación de audios e vídeos) ou tablets.

É fundamental recoñecer as resolucións dos dispositivos:

• YouTube, TikTok: 1080p (HD ou FullHD) a 30 ou 60 fps.
• A maior resolución, maior peso do vídeo.
• O ideal: 1080p a 30 fps para equilibrar calidade e tamaño do arquivo.
• Para Instagram Stories e Reels: 1080x1920 px en vertical.

Organización do traballo

• Repartición de roles: Director, operador de cámara, editor, guionista.
• Decisión inicial: Gravar en formato vertical ou horizontal? Depende do medio onde se vai consumir o contido.
• Planificación: Cada persoa grava 3-4 tipos de planos diferentes para variedade visual.
• Encadre: Visión de campo dentro ou fóra do plano.

Tipos de planos

• Plano xeral: Mostra o contexto no que se atopa a personaxe.
• Plano enteiro: Amosa todo o corpo.
• Plano medio: Encadra dende a cintura ata a cabeza. Subtipos:
  • Plano medio curto: Desde o peito.
  • Primeiro plano: Cara da personaxe.
• Plano americano: Plano cortado por enriba dos xeonllos.
• Plano detalle: Detalle específico, como un obxecto ou unha expresión facial.

Actividade 1

Realizar un vídeo aplicando os diferentes tipos de planos:

• PG - Plano Xeral
• PE - Plano Entero
• PA - Plano Americano
• PM - Plano Medio
• PM1 - Plano Medio en picado
• PM2 - Posición normal
• PM3 - Contrapicado
• PP - Plano Pequeno
• PD - Plano Detalle
• Foto misteriosa

Regra dos tres tercios

Axuda a compoñer mellores imaxes e encadres.

Aplicación cinematográfica

Alfred Hitchcock utilizaba a composición visual e a dirección da mirada para influír no espectador. No cine, as miradas cara á dereita suxiren progreso e avance, mentres que cara á esquerda poden transmitir conflicto ou tensión.

Por exemplo, en “Psicose” e “Vertixe”, os personaxes que se moven cara á esquerda afrontan perigo ou incertidume.

Na película “Seven”, a columna no encadre suxire que a personaxe non poderá retirarse como esperaba.

Stanley Kubrick é famoso polo uso da simetría nos seus encadres. Un exemplo disto é a composición con dous personaxes enfrontados cun elemento central.

Exemplos de proporción áurea.

Elementos compositivos

• Axustar aos puntos: Situar elementos clave nos puntos de interese da regra dos tercios.
• Usos do desenfoque: Dirixir a atención do espectador cara a un punto focal.
• Movementos de cámara: Engadir dinamismo e ritmo á narración.
• A mirada dirixe a lectura do espectador.
• Diagonais: Crean forza e equilibrio.
• Técnicas narrativas: Un reflexo pode romper unha composición e xerar impacto visual.

Actividade 2

Buscar algo que reflicta e facer o retrato dunha persoa a través do reflexo.

Colocación de focos

Programas de edición 

• KDELive (dispoñible na maqueta Abalar).
  • Efectos útiles: Chroma Key e transformar.
  • Nos sons non hai xeraquías.
• Blender
• DaVinci
• VN Video Editor (móbil e PC)
• CapCut (móbil)

OBS para capturar vídeo. 

Permite facer videotitoriais, modo estudio (ter vista previa) para facer un programa de televisión).

Iriun webcam

Instalar en móbil e ordenador así podemos ter varias escenas para cada cámara. Permite facer control de realización. E no caso de ter fondo verde podemos ter un plató de televisión.

 LARA C.G. – Design Thinking aplicado ao deseño de situacións de aprendizaxe
nos Polos Creativos (15:00 – 18:00)

Pensamento de Deseño

Traballamos a partir dun reto para o alumnado, potenciando o desenvolvemento de competencias a través de respostas innovadoras a problemas complexos. Este proceso integra as fases de sentir, imaxinar, actuar, reflexionar e compartir.

Entender o problema: Realizamos unha chuvia de ideas utilizando post-its (ou debuxos, no caso de alumnado de Educación Infantil), onde cada proposta se anota e se expón en voz alta. O obxectivo é xerar polo menos 15 ideas.

Organización das ideas: Transitamos do pensamento diverxente ao converxente agrupando as ideas en nubes temáticas. Cada nube debe conter polo menos dous post-its e un título claro (con suxeito e predicado) que permita identificar a idea nun primeiro vistazo.

Selección e análise: Cada participante emite dous votos para escoller a nube máis representativa. A continuación, profundizamos na idea mediante saídas ou a recollida de información (a través de vídeos curtos, películas, etc.), intercambiamos o título da nube con outro grupo e propoñemos un reto concreto.

Nesta fase, o alumnado debe imaxinar a solución empregando os recursos dos polos creativos, como por exemplo: lápiz 3D, chapas, impresora 3D, radio, entre outros.

Prototipado e Planificación

Seguidamente, proxectamos un prototipo e elaboramos un cronograma que determine o tempo necesario para cada etapa.

Finalizamos con unha reflexión e avaliación que pode incluír un diario de aprendizaxe e outras técnicas, compartindo os resultados coa comunidade.

Metodoloxía e Beneficios

Esta metodoloxía conecta cos intereses do alumnado, integrando motivación e accesibilidade. As principais vantaxes son:

• Centra o proceso de aprendizaxe no alumnado.
• Promove unha aprendizaxe activa e participativa.
• Fomenta a creatividade e o pensamento crítico.
• Impulsa a colaboración e a resolución de problemas.

Actividades Multinivel

Non se trata de traballar obxectivos diferentes, senón de alcanzar distintos niveis de consecución. O nivelaxe das actividades pode adaptarse:

• Nivel baixo: con máis apoio.
• Nivel alto: con maior abstracción.

Ideas para o proceso:

1. Identificar e analizar os criterios de avaliación (obxectivos de aprendizaxe).
2. Deseñar as actividades variando o nivel de abstracción cognitiva segundo a taxonomía de Bloom (de "recordar" a "crear").
3. Proporcionar máis apoios e variar os roles nos equipos colaborativos.

Ademais, é fundamental estruturar a aula integrando diversas aplicacións dixitais que faciliten o acceso e a participación do alumnado.

INFORMACIÓN ACCESIBLE