Celebramos o 50º Aniversario do CEIP Plurilingüe Barrié de la Maza
O venres 23 de maio vivimos unha xornada moi especial no noso centro para conmemorar o 50º aniversario da súa apertura. Ao longo da mañá, organizáronse diferentes actividades lúdicas, culturais e simbólicas para todo o alumnado e profesorado, destacando o espírito de comunidade que nos caracteriza.
Actividades destacadas do día:
- Actuación de Pakolas, que fixo cantar e bailar aos máis pequenos e maiores.
- Exposición fotográfica con imaxes representativas da historia do centro.
- Inchables e xogos nos patios, que fixeron as delicias do alumnado.
- Cápsula do tempo, na que gardamos recordos actuais que serán descubertos no futuro. A clase de 5ºB puxo o broche final cantando o himno do 50 aniversario.
O acto da cápsula do tempo celebrouse de forma conxunta no patio cuberto, onde se descubriu a placa conmemorativa coa colaboración do Concello de Santa Comba.
Agradecemos enormemente a implicación de todo o profesorado, alumnado, familias e entidades colaboradoras que fixeron posible esta xornada inesquecible.
Grazas por formar parte da nosa historia!