Cartel da celebración
INFORMACIÓN DAS ACTIVIDADES
O Barrié celebra 50 anos de Historia.
Os actos conmemorativos terán lugar o venres 23 e o sábado 24 de maio.
O venres será unha celebración na que participará todo o alumnado e profesorado do Barrié. Será unha xornada festiva na que tanto docentes como discentes gozarán coa actuación de https://pakolas.com/, inchables e se creará unha “cápsula do tempo” con documentación actual con miras de que sexa descuberta polo alumnado e profesorado de maio do ano 2050.
Sábado 24 de maio – Acto institucional do 50 aniversario do CEIP Plurilingüe Barrié de la Maza - Santa Comba
O sábado celebrarase un acto formal no CEIP Plurilingüe Barrié de la Maza con motivo do seu 50 aniversario. Comezará ás 12:30 h e incluirá intervencións de autoridades, antigos mestres e mestras, representantes da comunidade educativa e actuacións musicais. Ao remate, realizarase unha visita á exposición fotográfica con fotos destas cinco décadas de historia do colexio e celebrarase un xantar de confraternización no pavillón do centro.
Xantar conmemorativo
Inclúe:
-
Aperitivo en mesa cada 4 personas:
-
1 racion de pulpo
-
1 táboa de embutidos
-
1 táboa de queixos
Despois -
1 racion de empanada
-
Carne ao caldeiro
-
Sobremesa e café
-
Prezo persoas adultas: 36 €
-
Escolares ata 12 anos: 20 €
-
Menores de 5 anos: GRATIS (pero deben retirar igualmente o ticket)
Data límite para mercar os tickets: martes 20 de maio
É imprescindible retirar os tickets antes da data indicada, mesmo no caso dos menores de 5 anos que teñen o menú gratuíto. Isto é necesario para organizar correctamente o evento.
A venda de tickets para a participación no xantar será xestionada a través da ANPA XALLAS, colaboradora na organziación deste acto.
No propio acto escoitarase o HIMNO DO 50 ANIVERSARIO DO BARRIÉ cuxa letra é autoría da alumna Clara Brenlla de 5º Curso de Primaria (gañadora do concurso para a elcción da letra) e musicado por Emilio Lois, coñecido músico xalleiro exalumno do Barrié
O evento rematará con diferentes actuacións musicais de agrupacións locais.
Agradecemos, asemade, a aquelas empresas que colaboraron de forma económica co colexio para poder organizar este evento:
-
Editorial Santillana, Elmega, Disjafer, Frutas Salgado, Secundino Docampo e Corzan S. L.
Desde o CEIP Plurilingüe Barrié de la Maza animamos a participar a toda a cidadanía en especial a toda a xente que dalgunha ou outra forma formou parte da comunidade educativa do colexio nestes dez lustros de historia.