Visita de José Manuel López Tuñas e Manuel Gómez Turnes ao CEIP Plurilingüe Barrié de la Maza
José Manuel López Tuñas e Manuel Gómez Turnes, mestres do noso centro no momento da súa inauguración en 1975, visitaron recentemente o CEIP Plurilingüe Barrié de la Maza.
Durante a visita, intercambiaron impresións co profesorado sobre o estado actual do colexio e as diferenzas respecto ao Barrié de 1975.
Este encontro tivo como obxectivo trazar liñas de colaboración para preparar os actos do 50 aniversario do colexio, que se celebrará na primavera do vindeiro ano 2025.