Visita da escritora Claudia Herrero Kaczmarek

O alumnado de sexto de Educación Primaria contou coa visita de Claudia Herrero Kaczmarek:  mestra, filóloga, autora e ilustradora, que presentou a súa obra: "Little Wolf Ulf", libro que  leron coa  mestra de inglés Carmen Espasandín Vilariño.

Sobre as obras de Claudia Herrero Kaczmarek:

Os seus contos teñen todos algo en común: buscan transmitir “esencias” e aprendizaxes, xa sexa a través das aventuras e viaxes dos seus personaxes, tratando temas universais ou describindo a beleza do cotián. Están escritos en varias linguas debido á súa propia identidade bilingüe e bicultural. 

Como mestra comproba a diario que interesan moito o mundo das emocións, a procura de identidade propia e os misterios que nos rodean, así como o entretemento, a intriga, o humor e a acción. 

Descrición xeral do libro  "Little Wolf Ulf"

O lobito Ulf ten unha roca preferida na que lle gusta sentar para ver mellor a outra beira. É o único da manda que o fai, xa que os demais lobeznos, alentados pola loba Risz, temen o que poida haber. Ao redor desa beira hai escuras lendas. O único animal que sabe o que alí realmente escóndese é a curuxa Raida, á que todos teñen medo, menos o noso pequeno protagonista. Raida será a que axude a Ulf a loitar polo seu soño.

Unha misteriosa criatura tamén sente atracción por ese lugar e comparte o anhelo de Ulf.

Os desafíos, o valor, a amizade e o amor acompañarán aos nosos personaxes nunha viaxe inesquecible.