21F - Día Internacional da Lingua Materna e animación á lectura en galego..

As conmemoracións e celebracións arredor da diversidade lingüística contribúen a concienciar a poboación sobre a importancia dos idiomas con independencia do seu número de falantes.

O 25º aniversario do Día Internacional da Lingua Materna marca un cuarto de século de esforzos por preservar a diversidade lingüística e promover as linguas maternas.

A educación multilingüe non só favorece as sociedades inclusivas, senón que tamén axuda a preservar as linguas non dominantes, minoritarias e indíxenas.

Cada dúas semanas desaparece unha lingua e con ela leva consigo todo un patrimonio cultural e intelectual. A UNESCO calcula que existen 8.324 linguas, tanto faladas como de signos; delas, unhas 7.000 seguen en uso. Só uns centenares de linguas teñen realmente cabida nos sistemas educativos e no dominio público, e menos dun centenar utilízanse no mundo dixital.

No Portal da Lingua Galega contades con varios recursos interesantes e vinculados con esta efeméride, que podedes consultar facendo clic na seguinte imaxe enlazada.

Desde a biblioteca escolar promovemos a lectura e as actividades de expresión oral e escrita en galego.

Estas son algunhas das adquisicións de fondos de ficción e informativos deste curso 2024/2025.

Para a celebración do Día Internacional da Lingua Materna contaremos cunha animación á lectura dirixida ao alumnado de 1º EP.