Polo Creativo no CPR Plurilingüe Mª Inmaculada

Este portafolio dixital serve como espazo de reflexión e recompilación de evidencias da actividade desenvolvida polo grupo de traballo "Polos Creativos" no centro.

As evidencias presentadas inclúen:

A) Documentación de actividades con equipamento: imaxes e vídeos de actividades educativas desenvolvidas no presente curso escolar.

B) Rexistro do acondicionamento do espazo creativo: conversión de laboratio en aula específica do Polo Creativo, así coma a instalación de equipamento na biblioteca e salón de actos do centro. 

C) Documentación de outras actividades vinculadas ao Polo

D) Inventariado de materiais e recursos

Co obxectivo de promover a aprendizaxe significativa, contextualizada e baseada na realidade do alumnado, unha das liñas centrais foi o deseño e desenvolvemento de proxectos mediante metodoloxías activas, concretamente a aprendizaxe baseada en proxectos (ABP).

Para isto, organizáronse as seguintes accións no centro:

• Deseño de proxectos en grupo adaptados a cada etapa educativa, partindo de situacións reais e abertas que esixían solucións creativas e técnicas, fomentando a autonomía, a investigación e o traballo colaborativo.

• En EI, realización de actividades centradas na experimentación e na manipulación, como a creación de xogos con pezas encastrables ou recursos sensoriais.

• En EP, desenvolvemento de proxectos como a elaboración de sinais, materiais manipulativos ou maquetas temáticas integradas nas áreas de lingua, matemáticas ou ciencias.

• En ESO, posta en marcha de proxectos interdisciplinares vinculados á realidade social (ex. obradoiros inclusivos, produtos audiovisuais, deseño de recursos didácticos).

• Aplicación sistemática das fases do ABP: investigación, deseño, construción, avaliación e presentación, xerando produtos finais que foron expostos e utilizados nas aulas.

Co obxectivo de fomentar a creatividade, a expresión oral e a competencia dixital do alumnado, unha das liñas de traballo integradas no Polo Creativo foi a produción de podcast educativos, coma os empregados na participación no concurso de Prensa Escuela da Voz de Galicia, onde dúas alumnas de 2º da ESO do centro. resultaron gañadoras. 

Para isto, organizáronse as seguintes accións no centro:

• Selección e formación do alumnado en técnicas básicas de guión, locución e edición sonora.

• Uso dos equipos:

  • Mezclador Behringer Xenyx X1204 USB.

  • Micrófono VideoMic Me-C.

  • Tablet Lenovo P11 con software de gravación.

• Elaboración de contidos propios, centrados en temáticas significativas para o alumnado (igualdade, medio ambiente, ciencia ou actualidade local).

• Gravación, edición e difusión dos podcast como produto final visible, fomentando a aprendizaxe baseada en proxectos (ABP).

Co obxectivo de promover a creatividade, o deseño dixital e o uso responsable das tecnoloxías de fabricación, unha das liñas de traballo desenvolvidas foi a creación de materiais manipulativos e xogos educativos mediante o uso da cortadora láser Mr Beam II dreamcut [x].

Para isto, organizáronse as seguintes accións no centro:

• Sesión de formación presencial no centro escolar (2 horas de duración), do 7 de maio, a cargo de ponente externo, centrada na configuración da Mr Beam II, selección de materiais e optimización de parámetros de corte e gravado.

• Formación práctica do profesorado no uso de Inkscape, centrada na edición de gráficos vectoriais e preparación de deseños para corte e gravado.

• Emprego de recursos visuais libres de dereitos extraídos de Freepik, adaptados para fins educativos.

• Uso da cortadora láser con distintos materiais (madeira, fieltro, goma EVA), segundo as características de cada actividade e etapa.

• Creación de materiais como o xogo 3 en raia 8M, sinais de aula, taboleiros temáticos e pezas manipulativas para as áreas de matemáticas e lingua.

Co obxectivo de desenvolver a capacidade manipulativa, o coñecemento técnico e a responsabilidade no uso de materiais e ferramentas, unha das liñas de traballo foi a formación práctica na fabricación aditiva e no mecanizado de materiais, tanto con ferramentas manuais como tecnolóxicas.

Para isto, organizáronse as seguintes accións no centro:

• Introdución progresiva ao uso de ferramentas manuais como cutter, pistola termofusible, tesoiras de precisión, bridas, pinzas e destornilladores, empregadas en tarefas de montaxe e prototipado coma as usadas na elaboración do "Maio tradicional".

• Manipulación de materiais diversos (madeira, cartón, goma EVA, fieltro, silicona) para a creación de pezas didácticas e elementos de soporte para os proxectos realizados.

• Formación específica sobre normas de seguridade, incluíndo o manexo responsable dos materiais e a organización do espazo de traballo para evitar riscos.

• Desenvolvemento de actividades interdisciplinares nas que o alumnado aplicou os coñecementos técnicos adquiridos en contextos reais de aprendizaxe activa e colaborativa.