Bitácora da BiblioBarouta

Para pechar o ano 2024 compartimos con todas e todos vós a Guía de Nadal de lectura elaborada en conxunto por todos os centros públicos de Ames.

Rematado o reto gastronómico. Moitas grazas pola vosa participación!

O equipo de Biblioteca e o EDLG do centro queren rematar o ano cun reto gastronómico.

Haberá tres preguntas que se lanzarán a través da páxina web do cole (tamén estarán expostas na biblioteca). As respostas teñen que estar en galego e podedes acompañalas de imaxes.

Cando o alumnado teña a resposta escrita terá que métela nunha caixiña que haberá na biblio. Todas as respostas deben vir con nome e curso do alumnado.

1ª PREGUNTA
Tempo para investigar: 4-9 de decembro.
2ª PREGUNTA
Tempo para investigar: 9-13 de decembro.
3ª PREGUNTA
Tempo para investigar: 13-19 de decembro.

Ver as preguntas

Novembro é o mes da ciencia en galego, e como todos os cursos, o voluntariado de biblioteca prepara na hora de patio interesantes experimentos para todo o alumnado.
Este ano centráronse en experimentos sobre alimentación, algúns relacionados coa obesidade infantil.

Financiado pola Unión Europea. As opinións e puntos de vista expresados só comprometen á(s) súa(s) autora(s) ou autor(es) e non reflicten necesariamente os da Unión Europea ou os da Axencia Executiva Europea de Educación e Cultura (EACEA). Nin a Unión Europea nin a EACEA poden ser considerados responsables deles.

PAPAROUTA

Arenaria presentou a todo o centro unha actividade manipulativa para iniciar o noso PDI relacionado coa gastronomía. Este curso ademais decidimos que o PDI ía estar relacionado con outro proxecto que temos no centro: Jean Monnet e imos darlle unha dimensión europea.

Hai máis información na páxina central do cole.

Guia de verán con recomendacións para todos os niveis, elaborada en colaboración cos centros educativos do concello de Ames.

Podes descargalo aquí: Guía lectura verán

Saída a Lugo do club de lectura.

O alumnado de 2°EP interpretou o libro A Reconquista de Antía Yáñez, para todo o alumnado de Educación Infantil.

100 Libros e continúa

Contacontos voluntariado.

O alumnado voluntario de biblioteca está facendo unha sesión de contacontos para cada ciclo na biblioteca na sesión de patio.
Logo de cada lectura hai un tempo para compartir o que máis lle gustou de cada conto e tamén unha sesión para ilustrar os contos.

Comezamos os primeiros pasos no espazo radio na biblio.

Obradoiro de collage con Mark Ritchie para primeiro ciclo a través do programa de biblioteca creativa.

En primeiro centrouse nisto:
E un obradoiro organizado por biblioteca creativa con Mark Ritchie. Crearán figuras con diferentes tipos de papeis e xogarán coas oportunidades que ofrece unha mesa de luz e o material traslúcido.
Centraranse en animáis, usarán xornais, papel de seda, papel transparente de cores... Necesitan tesoiras e non sei se pegamento (cores ou lapis non) a idea é recortar coas mans

En segundo importancia dos xornais, papel, noticias...

Reunión do club de lectura en torno ao libro de Antía Yáñez, O misterio do torque de Burela.

Situámonos na provincia de Lugo, coñecendo un pouco a sociedade da cidade de Burela, do traballo no mar; pero tamén houbo reflexións sobre o racismo e as diversidades das familias e os eufemismos que usamos para tratar estes temas.

Comezamos o ano cunha nova actividade,

animádevos a participar!

Decembro estivo cheo de actividades na biblio, como as lecturas compartidas entre grupos.

Ademais, chegados a estas datas, igual que o curso anterior, o equipo quixemos facer un catálogo de xogos de peto, xogos sen pantallas. Un catálogo alternativo de xogos creativos, que estimulan positivamente ao alumnado á vez que lle entreteñen. Ademais é un catálogo de xogos inclusivos para todas e todos, sen ningún tipo de distinción.

O mes de novembro está adicado á ciencia en galego. Dende a BiblioBarouta queremos ofrecervos un programa cun montón de actividades interesantes para as vosas fillas e filas.

O voluntariado da biblioteca preparou unha exposición de libros de ciencias EN GALEGO, ademais de preparar e organizar experimentos para as súas compañeiras e compañeiros.