O mércores día 2 de abril, celebramos o día da árbore e o día internacional dos bosques, cunha actividade que xa repetimos dende hai xa varios anos, e que a todo o alumnado de primaria lle entusiasma.

Os de 1º curso  agardan con curiosidade este día, xa que é a primeira vez que participan, pero o resto do alumnado mostra gran interese e entusiasmo por, cada ano plantar árbores novas, e ver como van medrando as dos anos anteriores.

De seguro, que un día tan marabilloso, debemos de agradecerllo á Mancomunidade de Montes de Vilapouca e ao Distrito Forestal XVI, que ano tras ano, conseguen motivar e manter viva  a ilusión de poder ver medrar o noso monte. 

É un día cheo de diversión, pero tamén de moitas aprendizaxes, que teñen que ver, sobre todo, co coidado da natureza e dos nosos montes. Se ademais sumamos a actividade física realizada, o contacto coa natureza e a convivencia, temos o éxito asegurado, como así ocorre curso, tras curso.

MOITAS GRAZAS A TODOS E TODAS

NON ESQUEZADES COIDAR MOITO A NATUREZA

Aquí vos deixamos un vídeo coas actividades realizadas: