O luns 12 tivemos a visita de dúas nais da clase que pertencen á escola de música e baile tradicional de Brión. Xunto coas súas fillas, Iria e Carme, aprendéronnos como se toca o pandeiro cadrado, pandeireta, culleres... Ademais de obsequiarnos cun pequeno concerto e de explicarnos algúns bailes.

Ver imaxes

A nai de Olivia (1º de Primaria) , María Queijas, explicounos o seu traballo no 061 ademais do protocolo a seguir cando alguén ten unha reacción alérxica.
Está actividade complementa o noso proxecto Paparouta sobre alerxias e intolerancias.

Durante este trimestre ademais da reciclaxe e a alimentación saudable, centrándonos na Dieta Atlántica, estamos investigando sobre a auga. 

O apalpador, deixounos este libro no Nadal, El gran libro del agua. 

Presentación da proposta en asemblea:

Lectura da pimeira parte El gran libro del auga. Posta en común oral da lectura, representación gráfica de diferentes fases. Iniciación ao vocabulario específico.

• tarefa 1 – 1 sesión por grupo

Grupo A: Experimento relacionado coa chegada da auga ao planeta Terra/auga doce e salgada. Estados da auga. 

Grupo B: Lectura dun pequeno texto acompañado de imaxes. Ordenar as imaxes e completar con oracións con palabras clave.

Grupo C: Unir imaxes con palabras. Ordenar unha secuencia e unir imaxes con texto.

• tarefa 2 – 2sesións por grupo

Grupo A: A auga nos alimentos. Comparación de como merman os alimentos, ou da cantidade de auga que teñen. Hipóteses e posta práctica.

Grupo B: Lectura  de adiviñas sobre alimentos. Escritura das respostas e ceación dunha nova adiviña en parellas.

Grupo C: Ordenar a secuencia da orixe da auga nos planetas, ler a explicación do proceso e organizar os textos. Elexir un dos momentos do proceso, representalo e describilo.

MIXTO: plástica

IV proposta: Filtros primarios

OBXECTIVOS:

• Recoñecer as cores primarias como cores base en diferentes materiais.
• Experimentar coa luz e transparencia observando como as cores interactúan ao superpoñer materiais traslúcidos e como se modifican baixo a luz.
• Desenvolver a creatividade e motricidade fina.
• Deseñar e fabricar filtros de cores mediante o uso de tesoiras e pegamento, favorecendo a precisión manual e imaxinación.
• Promover a curiosidade cientídica.
• Comprender o concepto de mestura aditivia de cores ao combinar filtros con luz.
• Fomentar o traballo en equipo e autonomía.
• Relacionar a luz e cor no entorno natural.
• Introducir nocións básicas de arte, ciencia e habilidade técnicas.